Covid19 hrileng karah Kum 2020 chu rilru zalen lo leh hrehawm reng rengin hun kan hmang a, rilru relax te chu sawiloh, kumtluan in kan buai a ni deuh ringawt mai.
Kumtawp lama rilru tih thawlnana han zin khawthawn te pawh a rem silo, thian za ho inhmuhkhawm takngial pawh thil har a ni. Hetiang tehdeuh nuaih anih avang hian Thian za ho a han chhuah ho ve hi keini pawhin kan tum ve ta a.
Kan thianpa, Chawngte lama Missionary a awm, Pu Duhawma te chhungkua, an rawn hawchhoh remchan lai tak tiin, Dt. 19.12.2020 (Inrinni) ah Mat lama Outing nei turin ruahmanna te kan han siam ve ta a, amaherawhchu kan ruahmanna siam chhan ber Pu Duhawma erawh a nupui fanaute, Haulawng lama hruai a ngaih leh tak thut si anih avangin a tel lovin hun kan hmang ta a ni.
Aizawl lamah Tv. Makima, thian za ho min ti hlim ber thin tu a rawn la haw pheilo takna in helama awm remchang ho, Rinkima, Marina, Mami, Thlengi, Nuno-i leh kei te chu Dt. 19.12.2020 dar 10:00 velah Mat lam pan in Motor pahnih in kan inzui phei a, kawng lakah Highway kawnglai in vawihnih lai kawng an lo block takna in Dar 12:30 velah kan tum ram, Mat kan thleng phei. Kawng hi duhthusam a ‘khu’ a ni.
Mat kan va thlengphei a, mi engemawzah rilru tih relax tumin anlo kal ve hlawm niin, a pui a nawiin anlo ri nuaih nuaih mai.
Tichuan, kan spot tur kan han zawng kual a, a hnai deuh ah mi an tam em avangin, tlema chhak deuh hlek ah, Mat lui chunga lungpher awm ah awmhmun kan siamfel.
Kan Spot kan han siamfel hnu chuan sona kan han en a, Dar 2 alo pel der tawh mai. Tichuan, hmanhmawh takin eitur kan siam ta nghal a. Eitur atan hian Arsa (kan tur) leh Sangha (Foil hmanga ur hmin tur) kan keng ve. Chaw pawh a hmun ah kan chhum nghal vek. Eitur kan han siam zo a, a tlai titih nghal der.
Uar takin thla te kan han la kual a, Woofer lian kan keng bawk a, hla pawh midang zawng aia ringin kan play a, kan tam vaklo takna in kan thawm erawh a ring viau thung.
Dar 4:30 vel chiah chiahah chaw kan ei a, kan eikham hian khua a thim titih nghal a, kan han in sengfel zung zung a, kan tent ken te thiat in, khua in min thim hnan. amaherawhchu hetiang in ring sa deuh a, Light te keng sa kan nih avangin kan buai phah vak lemlo thung.
Tichuan, motor kan dahna hmun lam panin Dar 5:30 velah kan chhuk thla leh a, thlalak lawm tih takah Mobile phone in thla te kan zuk la leh ta zuaih zuaih a, minute 20 vel hun kan hman hnu ah, Dar 6 rik hma deuh in Mat lui atangin kan chhuak.
Kan thil eina bangnawi hnawk zawng zawng kan rut fai vek a, garbage bag ah dah in haw kawng ah hian Bawlhhlawh bawm lian ah kan paih fel vek. Tluang taka haw in Dar 8 rik hma deuh in kan thleng fel thei hlawm.
Thian za ho inhmuh a khat avangin hlim takin hun kan hmang thei a, a lawmawm viau mai.
————x———–x————x———–x————x———–x———-
Camera ka keng lova, Mobile Phone atangin thla ka la ve nual a, enduh tan a hnuaia link ah hian en theihin a awm e. Kum engemawzah a liam hnu ah kan la ngai ve ngei ang.
Ka tel.lo a… In kim lo ru riau mai 😂😂😂
oiii nwm hmel. mn hruai v lo a awww