Lunglei north abc 2020

Kumin (2020) kumtir February thla khan Lunglei North Area Baptist Council (ABC) Inkhawmpui Committee a ruatna lehkha ka hmu ve tlat mai a, Kohhran hruaitu ho bulah an thurelna ah tel ve in Sub-Committee peng hrang hrang din a ni.

He Sub-Committee peng hrang hrang zingah hian Information & Publicity Committee ah Convener atan min ruat ve mauh mai a, 2018 a Serkawn Pastor Bial Inkhawmpui a Information & Publicity bawka Convener ka lo nih ve tawh vang anih hmel. Tichuan, Tv. Lalbiaktluanga Renthlei (Tluangtea) Secretary atan leh Nl. Laldingngheti Pautu (Dingi) treasurer atan ka han hauh nghal a, member tur te han in ruat chho in, kan phur chho viau mai.

Member atan hian heng a hnuaia mite hi an ni.

ABC meuh dawl tur kan nih avangin kan phur ve viau mai a, theihtawp chhuah tak meuh kan tum laiin March thla laihawl vel atangin Covid19 in min tibuai chho ta a, VLTF ah OB ka nih ve vangin chhun/zan zawmin kan buai ta a, ABC lam in rilru a luah ta meuh lo.

A hun a hnai zel a, rilru chhungril ah chuan Convener atanga phat hial duhna rilru ka pu. keimah ah hian phurna a awm thei nganglo. chutihlaiin khawngaih rawngbawlna anih miau avangin phur lo chung chung pawhin theihtawp han chhuah teh ang tiin a hun dawn hnaih ah hmalakna te kan han nei chho ve ta a.

A tir a Information & Publicity budget atan Rs. 18,000/- ruahman a ni a, a hnuaiah hian tarlan a ni.

Amaherawhchu kan dinhmun thlir in, a hun alo thleng hnai tak taka, thil tih chi loh anga ngaih tam tak kan lo telh avangin kan Budget hi review leh a ni a, Rs. 5000 ah tih tlak a ni.

tichuan, hmalakna te a tlem chho ta viau bawk a, Committee te neiin Chanvo insem a ni.

Puipate Badge, CompuArts (Venglai, Lunglei) ah order niin, ABC Rorel neih hma zan ah WhatsApp status a hman tur Postcard thawn darh a ni.

Dt. 24.10.2020 (Inrinni) ah Rorelna neih a ni a, zingkar ah Mualthuam Bial leh Haulawng Bial te chaw ei siamsak anih avangin Rorel turte Biak In ah an rawn kim hma viau mai. Zing dar 10 a rorel tan anih laiin Dar 9 ah chuan a tam zawk an rawn thleng tawh. kei hi dar 9 velah Biak In ka va thleng phei a, mi an lo tam hman tawh viau mai.

Rorel ni hian Awmawma leh Thangtea ten Still Photo an la a, an lak zawh apiang Laptop ah ka lo dah lut nghal a, Upload nghal zel niin Rorel zawh ah thlalak hi a duh apiang download theih turin share nghal a ni.

Thlalak hi Quality tha zawk, tam bawk si in share kan duh avangin WhatsApp ringawt chu tawklo deuh in Committee lam ten kan hria a, Google Photos ah Upload a, a link share a ni.

Rorel ni thlalak en duh tan :

https://photos.app.goo.gl/QEP3grPJMp9kADfU9

Rorel hi Agenda a tam vakloh avangin chawhma lamah Programme hi an hmang zo a, chhun chaw te kan ei zawh ah tin darh a ni. Zanlam Programme engmah a awmlo thung.

Dt. 25.10.2020 (Pathianni) hian Kohhran Upa nemnghehna hun hman a ni a, Sawrkar thuchhuah in Nemngheh tur ten mi 5 aia tamlo an chhungte an hruai thei ang tih anih angin Inkhawm hi an tam lo a, tunlai hrileng karah Social Distancing pawh mumal taka maintain theih a ni.

Nemnghehna Inkhawm hi Rev. Israel Lalremtluanga’n a hmang a, Kohhran Upa 10 nemngheh a ni.

Inkhawm hi dar 10:30 ah tan niin, dar 12 velah ban a ni.

Ordination Service thlalak en duh tan a hnuaia Link ah hian en theih a ni e.

https://photos.app.goo.gl/WfAucuwZQ1GyFsCr8

Tin, duhthu chu a sam chiahlo takna in Ordination Video hi Youtube lamah dah a ni a, a hnuaia ah hian en theih a ni e.

Thubelh : Dt. 26.10.2020 (Thawhtanni) ah Zohnuai East Kohhran Library a dah tur atan thlalak pawimawh zual 100 lakchhuah niin print tir a ni. Thlalak hi print tir tlaiah Kohhran Chairman hnenah pek nghal a ni e.