Unau pianghmun en a ka en thin, kan thenawm hnai te a awm, tette atanga kan hnung zui char char thin Teii (Rinmawii) chuan Dt. 15.10.2020 (Ningani) ah BCM Biak In, Bazar Veng, Lunglei ah Kohhran dan puitlingin Hmangaiha (Lalhmangaihsangzuala Zadeng) nen tiam tlat e an ti ta.
Teii hi kan tleirawl chhuah tirh atanga U te hnung rawn zui ve ngat ngat thin, thian za ho kan lenchhuah dawn pawha a serh a mei ang, kan hnungzuitu rinawm tak niin, keimah pek hi Thlalak lam te ka han tui chho ve a, chutah ka model rinawm tak rawn ni chho, Home recording lam te luhchilh ve lehin, alo zai ve thin avangin Voice record inzirna atan bera ka hman thin, voice mixing ka inzir ve na ber a ni.
TKP ah te rawng han bawl hovin, Unit tana mi tangkai tak niin, tunah hian Jr. TKP Convener a ni mek a, Tin, Unit ah Executive Committee member nilai a ni bawk. Kohhran Zaipawl leh Serkawn Pastor Bial Zaipawl member niin, hmun hrang hrangah zaia rawngbawlna nei thin a ni. Film lama a sulhnu leh hmalak mekna erawh sawilang lo mai ila.
An Inneih ni chu Office lam ah Casual Leave la in, khawlum karah Blazer te ka han ha ve a, a hnuaiah erawh Kamis ha peih lovin TKP Tshirt te ka hak tak kha. 🙂 Dar 2 Inkhawm tan niin, Zohnuai atangin Dar 1:30 velah naute ho nen chhuk thla in, Biak In chhungah Inkhawm an thahnem deuh avangin midang kianin Hall kawtah thiante ho nen kan awm.
Inkhawm ban hian Joint reception, Kohhran Hall ah neih nghal a ni a, hetah hian Cake zaina hun te neih niin, zai ngaihthlakna te neih a ni.
Joint Reception neih zawh ah hian Inneih thlalak programme hman a ni a, 50 vel zet in thla an lakpui hnu ah, In lamah haw in Monu leh a thian an Inthlak a, thlahna hun neih niin Dar 4:30 velah Lawi turin Bazar veng lam pan a ni.
Dar 5:30 velah Hmangaiha te In ah lawina hunserh hman niin, hemi zawh hian a nawlpui programme ang chu a zo.
Keini lam hi kan thianpa Makima lo haw phei, hun remchang hmang tangkaiin thian za hovin Pukpui lamah Flavor Hotel ah Dine Out a ni a, tun tum chu kan thian za ho (Circle of Friends) te kan tel kim thei lova, harsatna lian tak tak avangin mi pathum zet in min rawn telpui theilo takna in pakhat in kan tam ta thung. Pakhat a tam hi kan pawi tilo mai pawh ni lovin, kan thianpa lunglawmna tih hria in, kan welcome em em zawk a ni.
Dar 8:15 velah Pukpui atangin Bazar veng lam panin, Zotlang kham ah reilo te chawl lawkin, chumi hnu ah kan thianho min suihkhawm tu ber, Mami (Duhkimi) te In ah peng haw in, dar 10 rik hma deuhin kan haw darh.
Zan hlimawm tak hmangin, Makima lo hawphei chu, rinlawk ang ngeiin pum na vek khawpin kan nui leh e. A ni hi zawng, thianzaho min tihlim tu ber a ni.
A hnuaia link ah hian ka phone atanga ka lak ve satliah ho thlalak ka upload a, a duh tan download theih in a awm e.
Ka rin aiin i ziak thiam. Ka.la.zirtir zel ang che
U Rinmawii chu uiom, pasal la neilo se
Pukpui inlo kal kha ka hmu che u 🙂